صرفت على فيلتك فلوس تكفي برج كامل وبعدها حسيت إنها مو طالعة متل ماكنت تبي؟..
هذا أكثر شي يندم عليه أصحاب الفلل:
إنهم طبقوا تصاميم فلل حديثة بناءً على الموضة مو بناء على فهم حقيقي لاحتياجاتهم وطريقة معيشتهم.
ممكن تكون الأرضيات فخمة والأثاث غالي والإضاءة ملفتة لكن المجلس ما يخدم عدد ضيوفك والمطبخ بعيد عن منطقة الطعام والصالة واسعة لكن توزيعها غير مريح.
المشكلة هنا في القرارات اللي اتخذتها لكل مساحة وهذا اللي راح نوضحه خطوة بخطوة في هالمقال.
وش هي تصاميم فلل حديثة؟
تصاميم فلل حديثة مو معناه إن الفيلا تصير وكإنك تنسخ صورة شفتها في أحد حسابات الديكور..تصاميم فيلات حديثة ناجحة تبدأ من فهم أصحاب البيت:
كم شخص يعيش في الفيلا؟..كيف يقضون يومهم؟..هل يستقبلون ضيوف بشكل مستمر؟..هل يحتاجون مساحات مفتوحة أو خصوصية أكبر؟..وهل عندهم أطفال أو كبار سن يحتاجون حركة سهلة وآمنة؟
بعدها يجي دور توزيع الفراغات واختيار الألوان والخامات والإضاءة والأثاث بحيث تكون النتيجة جميلة وعملية في الوقت نفسه.
ليش بعض تصاميم فلل حديثة تبين فخمة بالصور ومتعبة في الواقع؟
الصورة تخليك تشوف زاوية واحدة في لحظة مرتبة لكنها ما تخليك تشوف كيف تعيش داخل المكان كل يوم:
يعني ممكن تشوف صالة مفتوحة وتعجبك لكن بعد التطبيق تكتشف إن أصوات المطبخ تنتقل لكل الدور وإن روائح الطبخ توصل لمنطقة استقبال الضيوف.
ممكن تختار واجهات زجاجية كبيرة لأنها تعطي فخامة وإضاءة طبيعية لكن ما تحسب حرارة الشمس أو اتجاهها أو مستوى الخصوصية داخل البيت.
عشان كذا نجاح تصاميم فلل حديثة ما ينقاس بانبهارك بصور التصاميم بل باستخدام الفيلا بعد سنة أو سنتين من السكن.
ابدأ بتقسيم الفيلا إلى ثلاث مناطق واضحة:
1.المنطقة العامة:
تشمل المدخل ومجالس الضيوف ودورات المياه الخاصة بهم وأحيانًا غرفة الطعام الرسمية.
هذي المنطقة لازم تكون سهلة الوصول بدون ما يضطر الضيف يمر على الصالة العائلية أو يشوف تفاصيل البيت الخاصة.
2.المنطقة العائلية:
تشمل الصالة اليومية والمطبخ ومنطقة الطعام العائلية وأحيانًا الحديقة أو الجلسة الخارجية.
الأفضل تكون هذي المساحات مترابطة لأن استخدامها مستمر لكن الترابط ما يعني إلغاء الحدود بالكامل..تقدر تستخدم أبواب زجاجية أو فواصل خفيفة تحفظ الاتصال البصري وتمنع انتقال الروائح والأصوات عند الحاجة.
3.المنطقة الخاصة:
تشمل غرف النوم وغرفة الملابس والحمامات والمساحات الشخصية..لازم تكون بعيدة عن حركة الضيوف والضوضاء وتحتوي على ممرات واضحة وإضاءة مريحة وخصوصية كافية لكل فرد.
بعد ما عرفنا كيف نضبط الستايل الريفي ونتجنب أخطاءه
يجي سؤال مهم يخص تصميم الفلل من الداخل وهو:
هل المساحات المفتوحة مناسبة لكل الفلل؟
المساحات المفتوحة تعتبر اليوم من أكثر العناصر انتشار في تصاميم فلل حديثة لكن قبل ما تقرر لازم تعرف إنها مو دايم الخيار الأفضل لكل بيت.
مميزات المساحات المفتوحة:
فتح الصالة على المطبخ ومنطقة الطعام يعطي إحساساً كبير بالاتساع ويسمح بدخول الضوء الطبيعي لكل زاوية وهذا اللي يخلي البيت يكون أكثر حيوية لكن هالنوع من التصميم يحتاج أسرة تكون مستعدة لتقبل انفتاح المساحات بشكل كامل.
البديل الذكي..التصميم شبه المفتوح:
إذا كان طبخكم في البيت كثير أو استقبال الضيوف عندكم متكرر أو تحتاجون خصوصية وهدوء هنا يكون التصميم شبه المفتوح أنسب لكم يعني تقدرون تفصلون المطبخ بأبواب زجاجية قابلة للسحب أو تستخدمون مكتبة مفتوحة كفاصل بين الصالة والطعام أو حتى تغيير نوع الأرضية والسقف لتحديد حدود كل منطقة بدون ما تبنون جدار كامل..
الفكرة مو إنك تفتح كل شيء بل إنك تختار درجة الانفتاح اللي تناسب طريقة حياتكم.
كيف تختار ألوان الفيلا بدون ما تندم بعد فترة؟
كثير من تصاميم فلل حديثة تعتمد على ألوان محايدة لأنها سهلة في التنسيق وتعطي المساحة هدوء بصري لكن الاعتماد على لون واحد في كل البيت ممكن يخلي الفيلا باهتة وما فيها شخصية..استخدم قاعدة توزيع تساعدك على تحقيق التوازن:
60% لون أساسي هادئ للجدران والمساحات الكبيرة
30% لون ثانوي يظهر في الأثاث والستائر والسجاد
10% لون بارز يظهر في اللوحات والوسائد والقطع الصغيرة
مو لازم تلتزم بالنسب بالظبط لكنها تساعدك تمنع تساوي الألوان وتكرارها بطريقة تخلي المكان مسطح.
اختبر اللون داخل الفيلا مو داخل المعرض:
لون الدهان يتغير حسب الإضاءة الطبيعية واتجاه الغرفة ولون الأرضية عشان كذا قبل اعتماد أي درجة جرب عينة كبيرة على الجدار وشوفها في الصباح والظهر والليل لأن اللون اللي يبان دافئً في المعرض ممكن يظهر بارد أو رمادي داخل بيتك.
طيب..والخامات المستخدمة؟
وش الخامات اللي تخلي الفيلا حديثة بدون ما تصير باردة؟
السر مو في استخدام خامة غالية بل في الجمع بين خامات مختلفة بطريقة متوازنة..الزجاج والرخام والمعادن تعطي نظافة وفخامة لكن كثرتها تخلي الفراغ باردًا وصدى الصوت فيه مزعج.
عشان كذا تحتاج تضيف خامات أدفى مثل الخشب والكتان والصوف والجلد الطبيعي أو الخامات القريبة منها بجودة عالية.
دمج الخامات:
في تصاميم فلل حديثة الناجحة تقدر مثلًا تجمع بين أرضية حجرية وطاولة خشبية وبين جدار بسيط وستائر من نسيج واضح وبين أثاث بخطوط مستقيمة وسجادة ناعمة تكسر حدة التصميم.
ما تستخدم كل الخامات في غرفة واحدة:
إذا جمعت الرخام والخشب والمعدن والزجاج والحجر والزخارف في مساحة واحدة بتدخل العناصر في منافسة مع بعضها..اختر خامتين رئيسيتين وخامة ثالثة تظهر كتفصيل بسيط وكررها في أكثر من زاوية عشان يصير التصميم مترابطً.
يجي الدور الآن على المصدر الأهم والأجمل لأي بيت..وهو الإضاءة الطبيعية.
كيف تستفيد من النوافذ والإضاءة الطبيعية؟
النوافذ الكبيرة ميزة مهمة في أي فيلا لكنها تحتاج دراسة دقيقة لاتجاه الشمس والخصوصية وارتفاع المباني المجاورة عشان تستفيد منها صح.
التوازن بين الضوء والخصوصية:
ممكن توجه الجلسة ناحية الحديقة بدل الشارع وتستخدم ستائر بطبقتين واحدة خفيفة تسمح بدخول الضوء والثانية ثقيلة تحجب الرؤية والحرارة عند الحاجة هذا التوزيع يضمن لك الراحة والخصوصية في وقت واحد.
التوزيع الذكي للأثاث:
من الأفضل توزيع الأثاث بطريقة ما تمنع الضوء وفي نفس الوقت تحمي القطع الحساسة من الشمس المباشرة طول اليوم..التصميم الذكي هو اللي يخلي النور يدخل لعمق الغرفة ويخفف اعتمادك على الإضاءة الصناعية في النهار بدون ما يحول فلتك لمساحة مكشوفة للكل..
الخاتمة:
نجاح تصاميم فلل حديثة ما يعتمد على كبر المساحة ولا ارتفاع الميزانية ولا كمية الرخام المستخدمة..النجاح الحقيقي يظهر حين تدخل فيلتك وتحس إن كل غرفة موجودة لسبب وكل ممر وإضاءة وكل قطعة أثاث تناسب حياتك بدل ما تجبرك تغير أسلوبك عشان تناسبها.
قبل ما تطارد آخر صيحات الديكور فكر في يومك واحتياجاتك والأشياء اللي بتظل مهمة لك بعد ما تنتهي الموضة..لأن الفيلا الحديثة مو الفيلا اللي تبهر الناس في أول زيارة فقط بل هي اللي تريحك أنت وتظل عملية وجميلة مع مرور السنوات.
كل اللي قرأته هنا فريقنا في arttdeco يشتغل عليه ونقدر ننفذ لك تصاميم فلل حديثة مصممة خصيصًا لك مو تصميم جاهز يتكرر إذا تبي تشوف كيف يكون التطبيق عملي على أرضك بالضبط تقدر تتواصل معانا وتاخذ استشارة أولية توضح لك الخطوة الأولى.