سمعت عن هذا الستايل من قبل؟؟
يمكن سمعت عن الستايل الاسكندنافي من قبل ويمكن شفت له بعض الصور لكن الموضوع أكبر من كذا بكثير…
التصاميم الاسكندنافية فيها تفاصيل كثيرة ما تقدر تأخذ بالك منها غير لما تعرف…
وش هو الستايل الاسكندنافي؟
القصة بدأت من دول شمال أوروبا في أوائل القرن العشرين عندما ظهر فيها لأول مرة الستايل الاسكندنافي اللي يعتمد على التصاميم البسيطة والأشكال الهادئة والعملية اللي تناسب الاستخدام اليومي للجميع…
فكرته إن البيت ما يكون مليان تفاصيل تتعب العين بل يكون مرتب ومريح وتستخدم فيه ألوان فاتحة وخامات طبيعية مثل الخشب والكتان والقطن.
ومع الوقت صار الستايل الاسكندنافي معروف لأنه يجمع بين الشكل الجميل والعملية…
وعشان كذا تقدر تفهم ليش صار الناس يفضلون هذي التصاميم.
ليش أصبحت هذي التصاميم منتشر بين السعوديين؟
البيوت السعودية أغلبها واسعة وفيها مساحات كثيرة محتاجة أثاث فخم لكن مريح عشان كذا تحتاج تنسيقات مريحة تناسب الاستخدام اليومي وستايلات مثل الستايل الاسكندنافي اللي يتميز بـ:
- التصاميم العصرية اللي بتميل لـ المودرن لكن بأشكال أهدأ وأبسط بكثير وعملية أكثر للاستخدام اليومي.
- الألوان الناعمة اللي بتليق على أي ديكور راح تضعه مهما كان شكله أو لونه.
- يعتمد على خامات طبيعية مثل الخشب والكتان والقطن لأنها تضيف للمكان شكل مختلف ومريح وتخلّي التصميم بسيط.
- الستايل الاسكندنافي يشجع على استخدام الإضاءة الطبيعية أكثر ويعتبر هذا جزء أساسي في هذا التصميم.
الديكورات اللي تليق على الستايل الاسكندنافي
التصاميم الاسكندنافية تعتمد بشكل كبير على البساطة والعملية فـ ما ينفع تسوي ديكورات ثقيلة فيهالإكسسوارات لازم تكون بسيطة لكن لها تأثير واضح في شكل المكان.
عشان كذا أفضل ديكورات تناسبه هي الإكسسوارات والمنسوجات اللي تعطي إحساس طبيعي ومريح هي:
- السجاد الناعم بدرجات البيج الفاتح أو الرمادي اللي بيعطي شكل مريح وخفيف للمكان بطريقة بسيطة وراقية.
تعرف لما تجلس على كنبة وتحس أنك أول مرة ترتاح بهذا الشكل؟
- في الستايل الاسكندنافي هذا الاحساس بيكون بسبب المخدات القطن أو الكتان المصنوعة يدويًا من مواد طبيعية بألوان هادئة تعطي الكنبة شكل مريح وتخلّي الجلسة مريحة أكثر…
هذا غير البطانيات الخفيفة على طرف الكنبة اللي بتعطي البيت شكل جميل مرة وفي نفس الوقت تضيف لمسة أنيقة لشكل الصالة.
- الستائر هي من أهم الأجزاء اللي لازم تهتم لها في الستايل الاسكندنافي لأنها تغير شكل المكان 180 درجة ويفضل أنها تكون بسيطة وناعمة وتكون مصنوعة يدويًا من الكتان أو القطن إذا كنت تبي اختيار عملي أكثر.
- النباتات أيضًا جزء أساسي في الستايل الاسكندنافي لأنه يعتمد على الشكل الطبيعي فـ يحتاج الكثير من النباتات اللي تخلّي شكله طبيعي أكثر ومريح فـ يفضل وضع بعض النباتات الطويلة في أركان الغرفة والنباتات القصيرة على الطاولات.
- يمكنك استخدام الخشب في إطارات المرايات أو تسوي المرايا في مكرمية راح تكون مناسبة لـ الستايل الاسكندنافي وراح تخلّي شكل المساحة أكبر وأجمل بكثير.
ومن أفضل الأشياء في الستايل الاسكندنافي هي ألوانه المميزة لكن لازم تختار بشكل صحيح عشان كذا خلّيني أعرفك…
وش الألوان اللي تليق على الستايل الاسكندنافي؟
الألوان في التصميم الاسكندنافي جزء مهم من الشكل النهائي وهي اللي بتحدد أشياء كثيرة زي مثل السجاد وألوان الحائط والديكورات وإذا اخترتها صح راح تحس إن المكان أوسع وأهدأ…
عشان كذا لازم تعرف كل لون تستخدمه وين يعني مثلًا…
الأبيض أو البيج الفاتح
- استخدمهم في الجدران والأسقف لأنه فاتح فـ يخلّي شكل البيت أوسع وأريح ويناسب الإضاءة الطبيعية كما أن البيج الفاتح هو أفضل خيار لـ الكنب والسجاد والستائر لأنه يخلّي الستايل الاسكندنافي مريح أكثر للعين.
الرمادي الفاتح
- ممتاز للوسائد والسجاد وممكن يكون في الكراسي لأنه يكسر الهدوء الموجود في التصميم الاسكندنافي يجمع بين البساطة والفخامة.
الخشب الفاتح
- استخدم بديل الخشب في الأرضيات واستخدم الألوان الخشبية في الديكورات اللي راح تكون مناسبة مع الستايل الاسكندنافي وراح يكون مميز.
البني الفاتح أو لون القش
- يناسب السلال ووحدات التخزين والمكرميات وبعض الإكسسوارات الطبيعية لأنه يضيف ملمس دافئ ويكسر هدوء الألوان الفاتحة بطريقة بسيطة.
الأخضر
- اللون الأخضر أساسي في الستايل الاسكندنافي لأنه موجود في النباتات ولكن إذا كنت تحب الستايلات الجريئة ممكن تستخدمها في المخدات والديكورات مثل اللوحات راح يعطي شكل بيتك شكل طبيعي ومريح أكثر خصوصًا لو كان المكان كله بيج وخشب فاتح.
والقاعدة الأهم في الستايل الاسكندنافي إنك ما تستخدم كل الألوان مع بعض خلّي الأساس فاتح وضع لمسات تكون مو كثيرة ومختلفة وكذا راح تضمن أن البيت مرتب بطريقة صحيحة.
في النهاية:
لما تجي تختار تصميم لبيتك ما تفكر أنه مجرد تصميم مثل أي تصميم آخر لازم تختار استايل يناسب ذوقك وحياتك عشان يدوم معك لأطول فترة ممكنة…كما أن يمكنك الاستعانة بـ متجر Art Deco وخبرة المهندسة مها الرقيب عشان تقدر تختار الستايل الاسكندنافي المناسب لمساحة بيتك وذوقك وخلّي بيتك المكان المريح اللي تلجأ له بعد تعب اليوم في الشغل وإذا كنت تبي تعرف أكثر عن الاستايلات الأخرى للتصاميم الداخلية فـ متجر متجر Art Deco هو أنسب مكان.
الأسئلة الشائعة:
ما هو الستايل الاسكندنافي؟
الستايل الاسكندنافي هو أسلوب تصميم يعتمد على البساطة والراحة والخامات الطبيعية يعني البيت يكون مرتب وهادي بألوان فاتحة فيه خشب وإضاءة طبيعية وأثاث عملي يخدمك كل يوم ويعطيك مساحة مريحة ودافئة بدون زحمة أو مبالغة في التفاصيل.
أنواع ستايلات التصميم الداخلي؟
أشهر ستايلات التصميم الداخلي هي المودرن والكلاسيك والنيو كلاسيك والاسكندنافي والبوهيمي والريفي وكل ستايل له طابع مختلف فيه اللي يعطي فخامة واضحة وفيه اللي يركز على البساطة والراحة والعملية والاختيار الصح يعتمد على مساحة بيتك وذوقك وطريقة استخدامك للمكان.
ما هي 7 عناصر التصميم؟
عناصر التصميم السبعة هي:
- المساحة والخطوط والأشكال والإضاءة والألوان والخامات والأنماط والنقوش
هذي العناصر هي اللي تخلّي المكان متوازن لأن الأثاث الحلو ما يكفي لو التوزيع أو الإضاءة غلط لما تنسجم مع بعض يصير البيت مريح وعملي أكثر في الاستخدام.
ما هي قاعدة 5/7 في أسلوب التبسيط؟
قاعدة 5/7 معناها إن الشي يظل ظاهر قدامك فقط إذا كنت تستخدمه خمسة أيام من أصل سبعة بالأسبوع أما الأشياء اللي تستخدمها أقل الأفضل تضعها في درج أو خزانة عشان تقلل الزحمة وهذي القاعدة تفيدك في المطبخ والمكتب والطاولات لأنها تخلّي المكان مرتب بدون ما تخفي احتياجاتك اليومية.
ما الفرق بين الديكور والتصميم الداخلي؟
التصميم الداخلي يهتم بتخطيط المكان كامل مثل توزيع المساحة والحركة والإضاءة والراحة وطريقة الاستخدام أما الديكور يركز أكثر على الشكل النهائي مثل الألوان واللوحات والإكسسوارات والأثاث يعني التصميم الداخلي والديكور يكمّل جماله بعد ما تكون الأساسيات مضبوطة.
ما الذي يُميّز الأسلوب الاسكندنافي؟
اللي يميّز الأسلوب الاسكندنافي إنه يجمع بين البساطة والدفء والعملية في نفس الوقت يعني يعطيك بيت هادي ومرتب بدون ما يكون بارد أو فاضي.